Khuazakip Ah Cafang A Puak Ning

Khuazakip Ah Cafang A Puak Ning (translated by C. Bawi Ceu Mang, Lansing, MI)

Midland College Learning Center, 201 W.Florida ah a um mi hi MC main campus i a
ṭengge pakhat lawng siloin, mah ṭengge nih hin ramkip cawnnak a fonh ter tu zong a si chih.Ni
tam deuh ah cun, hi khan fate ah hin holh phun 3 , 4 hrawng nan theih khawh.
Mah holh pawl lak ah hin Burma, siloah 1989 lio i kawl ralkap cozah nih sakmi
Myanmar i Chin mi holh pawl zong ai tal ve. Chin mi phun pawl a tam deuh cu Burma i nitlakchaklei
Chin Hill ah tam deuh in hmuh khawh an si, mah Chin Hills cu New Mexico chaklei
tlang pawl heh khin ai lo pah, mah Chin Hill kan ti mi tlang pawl cu nichuah-thlanglei Asia in
Nepal lei Himalayas tiang aa peh.

An hmunhma cu ram dai, ram nuam hmunhma a lo nain, Chin pawl caah ah cun caan ṭha
a rak si lo. A ngai ngai ti ah cun, sifah tuk ruang le uknak ṭhat lo ruang ah U.S cozah nih Refugee
in a cohlan mi hna an si. Nai kum, kum 15-20 karlak ah hin Chin mi tampi cu America ram ah
India , Malaysia le Indonesia lei in an rak phan.

A luan cia mi kum 5 lio ah, mah ban tuk mipem , Duh Luai , cu Midland HEB store ah
sushi bar tuah ding ah an rak hlan. Luai cu Midland i rian tam tuk ruang le Khrifa zumhnak a
ṭhat tuk ruang ah Midland cu a rak uar ngai.( Philipines tidahlo cun, Nichuah-Thanglei Asia ah
hin Chin Hills ah Khrihfa an tam bik.) Cuticun, HEB tha pek nak in, Luai nih a hawile Chin
pawl Midland a ṭhat nak a chim chih hna i, a rauh hlan ah a dang pawl zong Midland ah an rak i
ṭhial ve. Kum 2008 lio ah hin Chin mi 60 hrawng lawng Midland ah an um nain, a tu ah cun 600
lengkai a um cang lai.inflatable climbing wall on sale

Midland i zumhnak lei bu tampi lak ah First Presbyterian Church nih Chin mi pawl
Midland ah an rak i ṭhial nak ah tampi a rak bawmh hna. Jeff McDonald, First Presbyterian le
MC web editor pa nih, “ Chin pawl cu rian an teima. Hi ka an rak rat nak cu “America Dream”
ngeih an duh ve ruang ah a si”. Kan mah nih bawmhnak hram pawl kan bawmh hnu cun anmah
tein a um kho i an cawlcang kho colh. An nih cu Mawṭaw le Inn an i cawk thluahmah; an fale
pawl zong an sianginn kai nak ah ca an thiam, mah hlei ah tukum Spring chung ah kan mah MC
in a voikhat nak Chin mi pakhak graduate ding kan nei.” tiah a ti.

2011 kum dih lai (Fall) ah, Peggy Wennerlind, Cogdell i Midland Need to Read cachimtu
nih First Baptist Church i ESL class ah Chin pawl he an i hmu. Maivan ah caan saupi a kawl
hnu ah, Wennerlind nih tleicia Dr.Rev. David Van Bik’ i “Chin to English Dictionary” cu a fapa
Maryland i Pastor a ṭuan mi nih har ngai in le a cheu caan i Kawlram(Myanmar) lei in a rak
ai phorh tawn mi Dictionary cauk 12 cawk awk ah a rak hmuh. Mah hnu cun January 2012 ah
Wennerlind nih New York lei i a zaur mi pawl sin in a hmuh chap rih.

Wennerlind nih, “ Kawlram lei in a cauk an rak kuat hlan hrim in New York i a zuar tu
sin ah Check(tangka) kuat hmasa a hau. Mah hlei ah cauk ka sin phanh tak tak cu thla tampi a
rau. Nai te ah cah ṭhan kai tim nain, an nei ti lo.” tiin Chin Dictionary cawk a har dan a chim.
Cuticun Wennerlind nih Dictionary cu a kawl thluahmah i, ai zuamnak nih cun Danish
miphun Lutheran i minister a ṭuan mi Johannes Lind ti mi, ngasionak in paw ai cawm mi khua
fa te i a um mi he an i tong. Amah nih Dr. David Van Bik nih a rak ser mi dictionary chirchanh
in online in “Danish to English to Chin” dictionary cu Denmark i a um mi Kawlram mi, Chin
Hakha mi pawl hna caah a tuah piak, ti thawng a theih.

Wennerlind nih “ Reverend Lind cu lawmh a um tuk, amah nih har le fe in a tuah mi cu
kan mah nih hman awk ah an kan sianh pinah , mah dictionary cun thawk in tuah chap ding in
a kan sianh.” Ka fanu vapa Chris hi Computer Engineer a si i amah hi, Lubbock i Web Plant
Media website a neitu a si. Chris nih mah dictionary file pawl cu website ah a rak ka chiah piak
khawh. Amah nih a tuah mi cu Danih holh kha a chiah ta i ,mah khan cun online in English to
Chin Dictionary cu kan nei kho; sihmansehlaw, a herh mi Mirang cafang tampi cu a bau rih.
Tahchunnak ah, “accident” ti mi cafang hi a rak um lo.

Cuticun, Wennerlind nih Cogdell i Chin sianghngakchia pawl bawmh ai timh lio ah,
GED cachimtu le computer lab i rianṭuantu, Terrell Burgoon zongnih Midland i Casa de Amigos
i GED class i a sianghnakcha pawl English in Chin cachim ah a rak ai zuam cuahmah lio a rak si
ve.

“Keimah nih Terrell cu online dictionary kong cu ka chimh” tiah Wennerlind ni a ti. “
Mirang cafang a tlinglo mi kong ka chimh tik ah Terrell nih nangmah le keimah nih kan bet lai
a ka ti i, amah nih ‘A’ cafang pawl in a thawk i keimah nih ‘Z’ cafang in kan van thawk colh ve,
Johannes Lind, holh phun phun a thiam mi, pa nih cafang kan ṭial nak ah aa kan bawmh chin ve
i , a rauh hlan kum lai ah kan zapi i tonnak kan nei hna. March 2012 cun Mirang cafang 30% a
hlei in kan chap chih.

Cuticun, June thla 2012 ah online dictionary chung ah a awchuah (a aw) pawl zong
kan khumh chih hna i kum dih lai ah cun, mah Van Bik “English to Chin Hakha Dictionary”
cu Codell le Casa de Amigos lawng ah siloin vawlei chung khua za kip ah www.chindictionary.
com in hman khawh a rak si.

Burgoon nih , “ A tu ah cun mah online dictionary nih Chin mi Mirang ca a cawng lio
mi hna caah zeitluk thathnem le thathnemlo cu chim awk ah a tuan tuk rih, zeiruangah ti ah cun
kan mah hi Summer caan ah cun sianginn kai a si lo, sihmanhsehlaw , ka Chin mi sianghngakcha
pawl an hmai zohnak in zeitluk in Mirang ca an theih, rel , chim nak ah a bawmh hna ti cu a
lang ngai ko.” tiah a ti.

Google Analytics timi, Google nih a lak in wesite pakhat kha zeitluk in , mi zeizat nih,
an zoh , ti mi cazin ning ah cun, mah dictionary hi Midland i Chin mi pawl lawng nih siloin
khuazakip nih an rak hman ve. Mah online dictionary hi U.S fimcawnnak lei in Dallas County
Community College District, Kentucky Department of Education le San Diego Department of
Edcuation pawl nih an i hman chih. Mah leng ah, ramdang lei fimcawnnak bupi pawl nih an
hmanh chih, tahchunnak ah, Education Department of Western Australia zong hi mah dictionary
a hmang mi pawl ah ai tal ve. Wennerlind nih a chim dan ah cun, mah dictionary a hmang tu hi
ni 30 ah minung 2,000 renglo nih an hman tiah a ti. Mah a zoh mi lak ah 40% cu mobile thilri
pawl hmang in an zoh.

Cogdell computer lab ah a dir pah khin mah bantuk project ṭha a tuah mi nih hin
Wennerlind a hmai cu a milh ter tawn i a lung a hmuih tuk tawn. “ Zeitindah hi thil hi a cang ti
mi hi ka thei lo. Mi ṭha tampi nih mah thil ah hin aa kan bawmh. Mah hihi Pathian nih aa kan
fial mi le a saduhthah a si ko.” tiah Wennerlind nih a chim.

(Special thanks to C. Bawi Ceu Mang for translating this article).

4 Responses to “Khuazakip Ah Cafang A Puak Ning”

Leave a Reply